ភ្នំពេញ ៖ សម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្ស ប្រជាជនកម្ពុជា បានបញ្ជាក់ថា នៅពេលសម្តេច ធ្វើជាប្រធានព្រឹទ្ធសភា សម្តេចនឹងបន្តពង្រឹង ពង្រីកទំនាក់ទំនងជាមួយជប៉ុន ឲ្យកាន់តែខ្លាំងក្លាទៀត ជាពិសេសស្ថាប័នរដ្ឋសភា ដើម្បីជាប្រយោជន៍ ដល់ប្រទេស និងប្រជាជន នៃប្រទេសទាំងពីរ ខណៈនៅថ្ងៃទី៣ មេសាស្អែកនេះ ព្រឹទ្ធសភា នឹងបើកសម័យប្រជុំដំបូង ក្រោមព្រះរាជវត្តមាន ព្រះមហាក្សត្រ ដើម្បីបោះឆ្នោតឲ្យសម្តេចតេជោ ហ៊ុន សែន ធ្វើជាប្រធានព្រឹទ្ធសភា និងឯកឧត្តម ប្រាក់ សុខុន ជាអនុប្រធានព្រឹទ្ធសភា ។ការបញ្ជាក់របស់សម្ដេចតេជោ បែបនេះ ក្នុងឱកាសអនុញ្ញាតឲ្យលោក អឺអិណុ អាហ្សឺហ្ស៉ី (UENO Atsushi ) ឯកអគ្គរាជទូតជប៉ុនប្រចាំនៅកម្ពុជា ចូលសម្តែងការគួរសម នៅវិមាន៧មករា នាថ្ងៃទី២ មេសា ។ក្នុងឱកាសនោះ លោកទូតជប៉ុន បានអបអរសាទរចំពោះ សម្តេចតេជោ ដែលនឹងត្រូវក្លាយជាប្រធានព្រឹទ្ធសភាកម្ពុជា នៅថ្ងៃស្អែកនេះ ហើយសង្ឃឹម ថា ទំនាក់ទំនងរវាងជប៉ុន និងកម្ពុជា នឹងត្រូវបានពង្រឹងពង្រីកថែមទៀត ទាំងក្របខណ្ឌសភា រដ្ឋាភិបាល និងប្រជាជននៃប្រទេសទាំងពីរ។ជាការឆ្លើយតប សម្តេចតេជោ បានថ្លែងអំណរគុណ ឯកអគ្គរាជទូតជប៉ុន ដែលបានសម្របសម្រួលរៀបចំបានយ៉ាងល្អ ជូនចំពោះសម្តេច នៅពេលដែល សម្តេច បានអញ្ជើញទៅពិនិត្យ កែវភ្នែកនៅប្រទេសជប៉ុន កាលពីដើមឆ្នាំ២០២៤ កន្លងទៅ ។ សម្ដេចតេជោ ក៏បានថ្លែងអំណរគុណជប៉ុន ដែលបានរៀបចំឲ្យសម្តេច ជួបមិត្តភក្តិទាំងឡាយ ជាពិសេសអរគុណចំពោះ នាយករដ្ឋមន្ត្រីជប៉ុន គីស៊ីដា ហ៊ីមីអូ ដែលបានទទួលជួបសម្តេច ទោះបីជាសម្តេច មិនមានតួនាទីជា នាយករដ្ឋមន្ត្រីក៏ដោយ ៕
ព័ត៌មានគួរចាប់អារម្មណ៍
សហព័ន្ធសហជីពកម្ពុជាការពារកូនខ្មែរ ជាសមាជិករបស់ សហភាពសហជីពមរតកជាតិកម្ពុជា សូមគោរពគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណនតេជោ ()
ថ្នាក់ដឹកនាំខេត្តមណ្ឌលគិរី និងសាខាកាកបាទក្រហមកម្ពុជាខេត្តនាំយកសម្ភារ និងថវិកា ចូលរួមរំលែកទុក្ខគ្រួសារសព៤នាក់ ដែលបានស្លាប់ និងរបួស២នាក់ ដោយសារផ្ទុះគ្រាប់មិនទាន់ផ្ទុះ នៅភូមិស្រែអ៊ី ()
កម្ពុជា-ចិន ចុះហត្ថលេខាលើលិខិតប្តូរសារ ស្តីពីការផ្តល់ជំនួយរបស់ចិន សម្រាប់ការផ្គត់ផ្គង់ទឹកស្អាតនៅជនបទ ដំណាក់កាលទី២ ()
សម្តេចធិបតី អញ្ជើញមាតុភូមិនិវត្តន៍ ដោយសុវត្ថិភាព បន្ទាប់ពីបញ្ចប់បេសកកម្ម ដោយជោគជ័យ នៅបាងកក ()
កម្ពុជា និងគណ:កម្មការ ESCAP បន្តពង្រឹងកិច្ចសហប្រតិបត្តិការក្នុងការជំរុញនវានុវត្តន៍ឌីជីថល និងការអភិវឌ្ឍប្រកបដោយចីរភាព ()
វីដែអូ
ចំនួនអ្នកទស្សនា