ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
៤ខែរាជរដ្ឋាភិបាល អនុម័ត គម្រោងថ្មីនិងពង្រីក១២៨​គម្រោង​ ជាមួយទុនវិនិយោគ ជាង២ពាន់លានដុល្លារ
Fri,10 May 2024 (Time 03:14 PM)
ដោយ ៖ (ចំនួនអ្នកអាន: 148នាក់)

ភ្នំពេញ ៖ ឆ្លើយតបនឹងការសើចចំអក ចំពោះពាក្យទាក់ម៉ូយ ត្រូវបានសម្តេចធិបតី តបថា ទាក់ម៉ូយមិនមែនទាក់បានតែខ្យល់ទេ ទាក់ម៉ូយ​គឺបានពិតប្រាកដ នៅក្នុងផលប្រយោជន៍សម្រាប់ជាតិ​ ដោយក្នុងនោះរយៈពេលតែ៤ខែ រាជរដ្ឋាភិបាល តាមរយៈទិន្ន័យ របស់ក្រុមប្រឹក្សាអភិវឌ្ឍកម្ពុជា បានបង្ហាញលទ្ធផលជាក់ស្តែង គឺមានគម្រោង១២៨ថ្មីនិងពង្រីក ជាមួយទុនវិនិយោគ ជាង២ពាន់លានដុល្លារ និងបង្កើតការងារ ១៣ម៉ឺនកន្លែង ។

ថ្លែងក្នុងឱកាសអញ្ជើញ​ប្រកាសបើកឱ្យដំណើរការជាផ្លូវការ សមាគមសហព័ន្ធអ្នកវិនិយោគកម្ពុជា និងពិសាភោជនាហារសាមគ្គី នាល្ងាចថ្ងៃទី៩ ខែឧសភា ឆ្នាំ២០២៤នេះ សម្តេចធិបតី បានលើកឡើងថា “ខ្ញុំឃើញតាមហ្វេសប៊ុកមួយចំនួន គេTroll គេថា ទាក់ម៉ូយ ឃើញតែទាក់ម៉ូយ ប៉ុន្តែមិនដឹងទាក់ម៉ូយចេញតែខ្យល់ ខ្ញុំសូមជម្រាបបែបនេះ ទាក់ម៉ូយមិនមែនតែខ្យល់ទេ ទាក់ម៉ូយ​គឺបានពិតប្រាកដ នៅក្នុងផលប្រយោជន៍សម្រាប់ជាតិរបស់យើង” ។

ក្នុងនោះសម្តេចធិបតី បានសង្កត់ធ្ងន់ថា “បើយើងគិតត្រឹម រាប់ពីខែមករា ទៅខែមេសា ឆ្នាំ២០២៤នេះ រាជរដ្ឋាភិបាលយើង តាមរយៈទិន្ន័យ CDC (ក្រុមប្រឹក្សាអភិវឌ្ឍកម្ពុជា) បើយើងនិយាយក្នុងទិន្ន័យ CDC គឺការវិនិយោគដែលចុះនៅក្នុងប្រព័ន្ធ នៅក្នុងនោះ CDC រាជរដ្ឋាភិបាល បានអនុម័តគម្រោងថ្មី និងគម្រោងពង្រីកចំនួន១២៨គម្រោង ដែលក្នុងនោះទុនវិនិយោគ មាន២ពាន់៥រយលានដុល្លារ អាចបង្កើតការងារ១៣ម៉ឺនកន្លែង នៅពេលគម្រោងនេះចេញ” ។

សម្តេចធិបតី ហ៊ុន ម៉ាណែត បន្តថា “ក្នុងរយៈពេលដែលយើងចាប់ផ្តើម ត្រឹមតែ៤ខែតែប៉ុណ្ណោះ នេះហើយជាលទ្ធផល នៃការខិតខំប្រឹងប្រែង ទាក់ម៉ូយ ទាំងរាជរដ្ឋាភិបាល ទាំងបងប្អូនវិស័យឯកជនរបស់យើង ដែលយើងធ្វើការរួមគ្នា” ។

ជាមួយគ្នានេះ សម្តេចធិបតី ក៏បានឱ្យដឹងទៀតថា “ល្ងាចមិញខ្ញុំបានចុះហត្ថលេខា ឯកភាព ផ្តល់គោលការណ៍ឯកភាព ទៅលើគម្រោងវិនិយោគ១៤ ។ ក្នុងនាមជាប្រធាន CDC រាល់គម្រោងវិនិយោគ ដែលមានលក្ខណៈធំ ដែលឆ្លងច្រកចេញចូលតែមួយ ត្រូវឆ្លងមកប្រធាន CDC ចឹងល្ងាចមិញនេះ ខ្ញុំចារឯកភាពទៅលើ គ្រាន់តែគម្រោងវិវិយោគ ចំនួន១៤ គិតជាទុនវិនិយោគ ៤៨០លានដុល្លារ គ្រាន់តែល្ងាចមិញមួយ ។ នេះគឺជាលទ្ធផលជាក់ស្តែងដែលយើងទទួលបាន ហើយនៅបន្តតទៅទៀត”៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
1266 នាក់
ម្សិលមិញ :
1033 នាក់
សប្តាហ៍នេះ :
5059 នាក់
ខែនេះ :
28517 នាក់
3 ខែនេះ :
112805 នាក់
សរុប :
1094234 នាក់