ថ្ងៃសៅរ៍ ទី១៥ ខែមិថុនា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ពលរដ្ឋរងគ្រោះដោយសារខ្យល់កន្រ្តាក់ជិត៣០គ្រួសារ នៅស្រុកពេជ្រាដា ទទួលបានអំណោយមនុស្សធម៌ពីសាខាកាកបាទក្រហមកម្ពុជា ខេត្តមណ្ឌលគិរី
Mon,20 May 2024 (Time 11:23 PM)
ដោយ ៖ (ចំនួនអ្នកអាន: 29នាក់)

ខេត្តមណ្ឌលគិរី៖ ដើម្បីជួយដោះស្រាយនូវការខ្វះខាតរបស់ប្រជាពលរដ្ឋ ដែលរងគ្រោះដោយគ្រោះធម្មជាតិ បណ្តាលឲ្យខូចខាតផ្ទះសំបែង នារសៀលថ្ងៃទី១៨ ខែឧសភា ឆ្នាំ២០២៤ ឯកឧត្តម ថង សាវុន ប្រធានគណៈកម្មាធិការសាខាកាកបាទក្រហមកម្ពុជាខេត្តមណ្ឌលគិរី រួមទាំងសមាជិក សមាជិកា និងអនុសាខាស្រុក បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហមកម្ពុជា ខេត្តមណ្ឌលគិរី ផ្តល់ជូនប្រជាពលរដ្ឋ ដែលរងគ្រោះដោយសារខ្យល់កន្រ្តាក់ចំនួន ២៨គ្រួសារ នៅឃុំពូជ្រៃ ស្រុកពេជ្រាដា កាលពីថ្ងៃទី២៥ ខែមេសា ឆ្នាំ២០២៤។

ឯកឧត្តម ថង សាវុន ប្រធានគណៈកម្មាធិការសាខាកាកបាទក្រហមកម្ពុជាខេត្តមណ្ឌលគិរី បាននាំនូវប្រសាសន៍ផ្ដាំផ្ញើសួរសុខទុក្ខ និងក្ដីនឹករលឹកពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្ដេចតែងតែគិតគូសុខទុក្ខប្រជាពលរដ្ឋក្រីក្រ មានទុក្ខលំបាក ជនរងគ្រោះ ជនងាយរងគ្រោះ ដោយមិនប្រកាន់រើសអើង វណ្ណៈ ជាតិសាសន៍ ពណ៍សម្បុរ ឬនិន្នាការនយោបាយអ្វីឡើយ។

ឯកឧត្តម ថង សាវុន បន្តថា បច្ចុប្បន្នពិភពលោក បានជួបប្រទះបញ្ហា អាកាស ធាតុរាំងស្ងួត ខណៈសីតុណ្ហភាពបានកើនឡើងខ្ពស់ មិនត្រឹមតែប៉ុណ្ណោះការប្រែប្រួលអាកាសធាតុឆាប់រហ័សបែបនេះ បានបង្ក ឲ្យមនុស្សម្នារងផលប៉ះពាល់សុខភាព និងជួបគ្រោះធម្មជាតិ ដែលនឹកស្មានមិនដល់។ ឯកឧត្តម បានសម្តែងនូវការសោកស្តាយ ចំពោះការខូចខាតលំនៅដ្ឋានរបស់បងប្អូនដោយគ្រោះធម្មជាតិ។ ម៉្យាងទៀតកាកបាទក្រហមកម្ពុជា ក៏មិនទុកឲ្យបងប្អូនរងគ្រោះណាម្នាក់ ហើយមិនបានយកចិត្តទុកដាក់ពីអាជ្ញាធរមូលដ្ឋាននោះទេ គឺកាកបាទក្រហមនៅគ្រប់ទីកន្លែង ជាមួយបងប្អូនគ្រប់វិនាទី មិនទុកឲ្យរងទុក្ខវេទនានោះឡើយ។

ឯកឧត្តម បានលើកទឹកចិត្តដល់ប្រជាពលរដ្ឋឲ្យបន្តការដាំដំណាំរួមផ្សំនៅជិតៗផ្ទះ ដើម្បីទ្រទ្រង់ជីវភាពគ្រួសារ ហើយសូមប្រជាពលរដ្ឋទាំងអស់គ្នា បន្តការប្រុងប្រយ័ត្ននារដូវវស្សានឹងចូលមកដល់នេះ គឺត្រូវចេះថែរក្សាសុខភាព ពិសេសកូនចៅតូចៗ បើឃើញថាកូនចៅមិនស្រួល ត្រូវប្រញាប់បញ្ជូនទៅមណ្ឌលសុខភាពដែលនៅជិតខ្លួនបំផុត។

លោក វណ្ណា ម៉ាប់ ប្រធានកិត្តិយសអនុសាខាកាកបាទក្រហមកម្ពុជា ស្រុកពេជ្រាដា បានឲ្យដឹងថា កាលពីថ្ងៃទី២៥ ខែមេសា ឆ្នាំ២០២៤ មានភ្លៀងធ្លាក់ និងខ្យល់កន្ត្រាក់ ធ្វើឱ្យខូចខាតផ្ទះសំបែងរបស់ប្រជាពលរដ្ឋចំនួន ៣១ខ្នងផ្ទះ សាលារៀនបឋមសិក្សាពូជ្រៃចំនួន ០១ខ្នង មណ្ឌលសុខភាពពូជ្រៃចាងចំនួន០១ខ្នង និងមានប្រជាពលរដ្ឋរបួសស្រាលចំនួន ០១នាក់។ ដោយឡែក នៅវេលាយប់ថ្ងៃទី១៥ ខែឧសភា ឆ្នាំ២០២៤ មានករណីភ្លៀងធ្លាក់ និងខ្យល់កន្ត្រាក់ ធ្វើឱ្យខូចខាតផ្ទះប្រជាពលរដ្ឋ ចំនួន ១៨ខ្នងផ្ទះ។ ករណីភ្លៀងធ្លាក់ និងខ្យល់កន្ត្រាក់ ទាំង ០២លើក បានខូចខាត សាលារៀន មណ្ឌលសុខភាព និងផ្ទះបងប្អូនប្រជាពលរដ្ឋសរុប ៤៩ខ្នង ខូចខាត ដំណាំផ្សេងៗ និងបង្គោលភ្លើង ០៦ដើម។

សូមបញ្ជាក់ថា ចំពោះអំណោយដែលសាខាកាកបាទក្រហម កម្ពុ ជា ខេត្តមណ្ឌលគិរី ចែកជូនប្រជាពលរដ្ឋរងគ្រោះចំនួន២៨គ្រួសារ ដែលប៉ះពាល់ដល់លំនៅដ្ឋានធ្ងន់ធ្ងរ ក្នុងមួយគ្រួសារ ទទួលបានគ្រឿងឧបភោគបរិភោគ និងថវិកាមួយចំនួន សម្រាប់ដោះស្រាយបានមួយកម្រិត៕

ព័ត៌មានគួរចាប់អារម្មណ៍

ប្រកាសចូលកាន់តំណែងក្រុមប្រឹក្សាស្រុកកោះញែកអាណត្តិទី៤ ()

ព័ត៌មានគួរចាប់អារម្មណ៍

កម្ពុជា ធ្វើជាម្ចាស់ផ្ទះ កិច្ចប្រជុំកំពូលហ្វ្រង់កូហ្វូនី ដែលនឹងទាញវិនិយោគិន និងទេសចរបរទេស បន្ថែមទៀត ()

ព័ត៌មានគួរចាប់អារម្មណ៍

អាមេរិកនឹងធ្វើការជាមួយសម្ដេចតេជោដើម្បីធ្វើឱ្យទំនាក់ទំនងកម្ពុជា-អាមេរិកប្រសើរឡើងវិញ ()

ព័ត៌មានគួរចាប់អារម្មណ៍

សហរដ្ឋអាមេរិកនឹងពង្រឹង និងពង្រីកទំនាក់ទំនង និងកិច្ចសហប្រតិបត្តិការជាមួយកម្ពុជា ជាពិសេសលើវិស័យការពារជាតិ ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន អនុញ្ញាតឱ្យទូតគុយបា ជួបសម្តែងការគួរសម ()

វីដែអូ

ចំនួនអ្នកទស្សនា

ថ្ងៃនេះ :
332 នាក់
ម្សិលមិញ :
408 នាក់
សប្តាហ៍នេះ :
2687 នាក់
ខែនេះ :
23465 នាក់
3 ខែនេះ :
79872 នាក់
សរុប :
795823 នាក់