ភ្នំពេញ៖ នៅក្នុងការបង្ហោះសារជាសាធារណៈតាមបណ្តាញសង្គមផ្លូវការ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានសម្តែងនូវមោទកភាព និងសប្បាយរីករាយយ៉ាងក្រៃលែង ដោយមានប្រសាសន៍ថា «តាមិនខ្វល់ថាចៅប្រឡងបានចំណាត់ថ្នាក់បែបណានោះទេតែតាពិតជាមានមោទនភាពតាំងពីជាងមួយខែមុនក្រោយបានទទួលដំណឹងថាចៅជាប់ចំណាត់ថ្នាក់ទៅប្រឡងកំរិតសកលនៅឌូបៃ»។ នេះបើតាមការលើកឡើងរបស់សម្តេចតជោនៅព្រឹក ទាបភ្លឺថ្ងៃទី២៦ ខែមិថុនា ឆ្នាំ២០២៤នេះ។សម្តេចតេជោ ហ៊ុន សែន និងឧត្តមភរិយារបស់សម្តេច គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានញញឹមពេលមើលរូបថតចៅប្រុសរបស់សម្តេចទាំងទ្វេរដែលបានប្រឡងនៅប្រទេសឌូបៃ។ មោទកភាពរបស់សម្តេចកាន់តែខ្លាំងឡើងនៅពេលដឹងថាចៅប្រុសរបស់សម្តេចបានឈ្នះបានមេដាយចំនួនពីរគ្រឿង ដោយមួយគ្រឿងសម្រាប់គណិតវិទ្យា និងមួយគ្រឿងទៀតសម្រាប់ភាសាអង់គ្លេស។ គួរកត់សម្គាល់ថា ថ្វីត្បិតតែកំពុងនៅរៀនថ្នាក់មត្តេយ្យសិក្សាក៏ដោយ ក៏កុមារា ហ៊ុន ពេជ្រមុន្នីរិទ្ធីសិទ្ធ Hun Pich Mony Rithyseth បានប្រកួតប្រជែងក្នុងកម្រិតសកល ទាំងគណិតវិទ្យាថ្នាក់ទីមួយ និងភាសាអង់គ្លេស ជាមួយសិស្សមកពីប្រទេសផ្សេងៗ។សម្តេចតេជោ ហ៊ុន សែន ប្រធានព្រឹទ្ធសភាក៏បានចូលរួមអបអរសាទរផងដែរ ចំពោះស្នាដៃរបស់កុមារកម្ពុជា ដែលបានចូលរួមក្នុងការប្រឡងនៅទីក្រុងឌូបៃ នៅទូទាំងថ្នាក់ និងកម្រិតផ្សេងៗគ្នា។ សម្តេចបានកត់សម្គាល់ថាស្នាដៃទាំងនេះបង្ហាញថាកុមារកម្ពុជាស្ថិតក្នុងចំណោមសិស្សឆ្នើមក្នុងប្រទេសដែលមានសមត្ថភាពអាចប្រកួតប្រជែងលើឆាកពិភពលោក។ សម្តេចតេជោ ហ៊ុន សែន បានចូលរួមអបអរសាទរចំពោះមាតាបិតា និងអាណាព្យាបាលទាំងអស់ដែលបានគាំទ្រដល់សមិទ្ធផលវ័យក្មេងទាំងនេះ៕
ព័ត៌មានគួរចាប់អារម្មណ៍
ប្រធានមន្ទីររ៉ែនិងថាមពលខេត្តបាត់ដំបង់គួរតែចាត់វិធានការទៅលេីក្រុមជីករ៉ែមាសដែលល្មើសច្បាប់នៅស្រុកភ្នំព្រឹកផងទាន..,. ()
អធិការដ្ឋាននគរបាលស្រុកគាស់ក្រឡ បង្ក្រាបករណីក្មេងទំនើងបង្កហិង្សា ឃាត់ខ្លួនចំនួន08នាក់ អនុវត្តតាមច្បាប់ ()
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
វីដែអូ
ចំនួនអ្នកទស្សនា