ខេត្តមណ្ឌលគិរី៖ ជនជាតិដើមភាគតិចមានដើមកំណើតនៅក្នុងខេត្តមណ្ឌលគិរីជិត២០០នាក់បានជួបជុំគ្នាប្រារព្ធពិធីវប្បធម៌ជនជាតិដើមភាគតិចនៅ រមណីយដ្ឋានបរិវេណភ្នំដោះក្រមុំ ព្រមទាំងដង្ហែក្បួន ដើម្បីចូលរួមអបអរសាទរទិវា អន្តរជាតិជនជាតិដើមភាគតិចពិភពលោកលើកទី៣០ និងលើកទី២០សម្រាប់កម្ពុជា ដែលប្រពឹតទៅនាថ្ងៃ១៥ ខែសីហា ឆ្នាំ២០២៤នេះ ពិធីនេះប្រព្រឹត្តទៅក្រោមប្រធានបទ “ការ" ការពារសិទ្ធរស់នៅ និងប្រាស្រ័យទាក់ទងតាមបែបប្រពៃណីជនជាតិដើមភាគតិចដោយស្ម័គ្រចិត្ត។លោក ក្រើង តុលា ជនជាតិដើមភាគតិចពូនងបានថ្លែងកត់សម្គាល់ថា គិតចាប់តាំងពីឆ្នាំ ២០១៥ មកដល់បច្ចុប្បន្នយើងឃើញថា ទាំងថ្នាក់ដឹកនាំក្រោមជាតិ និងថ្នាក់ជាតិ មានការយកចិត្តទុកដាក់ខ្លាំងចំពោះជនជាតិដើមភាគតិច ជាពិសេស សារផ្ញើជូនបងប្អូនជនជាតិដើមភាគតិចដោយសម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រី កាលពីសប្តាហ៍កន្លងទៅ ដែលត្រូវបានលោកចាត់ទុកថា ជាប្រវត្តិសាស្ត្រ។ ប៉ុន្តែទោះជាងនេះក្តីលោក ក្រើង តុលា បានទទូចឲ្យមានការស្វែងយល់ពីគ្នាឲ្យកាន់តែស៊ីជម្រៅបន្ថែមទៀតរវាងអាជ្ញាធរ និងអង្គការសង្គមស៊ីវិល ពាក់ព័ន្ធសិទ្ធិរបស់ជនជាតិដើមភាគតិចដែលមានចែងក្នុងរដ្ឋធម្មនុញ្ញ។សារចំនួន៣ ទំព័រកាលសប្តាហ៍កន្លងទៅ សម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រីបានបញ្ជាក់ថា រាជរដ្ឋាភិបាលកម្ពុជាបានគោរព និងការពារសិទ្ធិជនជាតិដើមភាគតិចស្របតាម រដ្ឋធម្មនុញ្ញ ដោយមានការយកចិត្តទុកដាក់ផ្ដល់តម្លៃដល់ជនជាតិដើមស្មើៗគ្នា ដូចពលរដ្ឋខ្មែរដទៃទៀតដែរ។ ក្នុងនោះមានដូចជា "ការ" ការពារ និង អភិរក្សវប្បធម៌ ទំនៀមទំលាប់ ប្រពៃណី ជំនឿ និងសាសនា ភាសា រួមទាំងការលើកស្ទួយដល់ជីវភាពរស់នៅរបស់បងប្អូនជនជាតិដើមភាគតិចថែមទៀតផងដែរ៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា